هانز خليلبعد أقل من أسبوع على خطاب الرئيس الفرنسي ماكرون المناهض لستة ملايين فرنسي مسلم واعتبارهم أفراد منعزلين عن المجتمع ومتطرفين دينيين وكاد أن يقول تقريباً انهم قنابل موقوته في فرنسا لايعلم متى تنفجر!!.بعد أقل من أسبوع وبالصدفه يقوم استاذ تاريخ فرنسي بعرض الصور الكاريكاتورية المسيئه للرسول التي نشرتها جريدة شارلي ايبدو في 2015 يقوم بعرضها في حصته الدراسيه وبالصدفه كان هناك طالب شيشاني مولود في فرنسا بالحصه!. وبالصدفه الطالب حامل معه سكين لأنو بالعاده الشيشان وخصوصا الطلاب بيحملو سكاكين بالمدارس، وبالصدفه يقوم الطالب بقتل المدرس مو طعناً بالسكين!. لأ وإنما بقطع رأس الاستاذ على طريقة إعدام مملكة المنشار يعني قتل شرعي، وبالصدفه بتخلق الشرطه وبتطلق النار على الطالب وبتقتله وبالصدفه مافي شهود عالحادث غير الشرطه الفرنسيه وروايتها مع العلم انو كان فيهم يستعملوا قنابل الغاز او عصي الصعق بالكهربا للقبض عليه حياً لنفهم القصه؟. بس مافي داعي خلص مفهومه إرهاب اسلامي وتم القضاء عليه بالقانون!!.على فكره وبالصدفه انه كل منفذي الهجمات الإرهابية الاسلاميه تم قتلهم متل الاخوين كواشي منفذي هجوم شارلي ايبدو في 2015 مع انه بعض الصحفيين اوردوا عدة تقارير تتنافى مع روايات الشرطه الفرنسيه وطالبو بالتوسع في التحقيق لكن مافي داعي خلص مفهومه إرهاب اسلامي وتم القضاء عليه!.في أيار 2011 قامت قوه اميركيه خاصه بعمليه على الحدود بين باكستان وأفغانستان للقضاء على اسامه بن لادن زعيم تنظيم القاعدة وبالصدفه انه تم قتله بدون اي اثبات او حتى صور للجثه والقوا بجثته في البحر ليش مابعرف؟. وبالصدفه انو القوه يلي نفذت العمليه ماتوا كلهم في حوادث غامضه شي سير وشي وقوع من الطوابق وهم بحالة سكر وشي سكتات قلبيه وسرطان ماعدا اربع اشخاص هم من الطيارين والملاحين، يعني هدول اصلاً لاشافو شي ولاشاركو بالعمليه المزعومه؟!.طولو بالكم لسه الصدف ماخلصت؟. لما الفلسطيني المقاوم في فلسطين كان ينفذ عمليات طعن لجنود صهاينة بالصدفه كان يطلع متطرفين في أوروبا وينفذوا عمليات طعن بنفس الطريقة!. لما الفلسطيني المقاوم كان ينفذ عمليات دهس لجنود صهاينة كان المتطرف في أوروبا يعمل نفس الشي ويدعوس العالم بالشاحنات والسيارات؟. كله صدف وحياتكم مافي شي مخطط ابداً بس نحنا كل شي عندنا مؤامره؟. مافينا مخ وفهمنا على قدنا!.ياجماعه، صناعة انتحاريين وارهابيين من كل الأديان والمعتقدات والقوميات موضوع مو صعب كتير متل ما متصورين؟. يكفي ايمانك المطلق بأي دين او عقيده لحتى يدفعك للتضحيه بنفسك بكل رضى وقناعه!. في الستينات جاء مقاتلين يساريين من كل أصقاع الأرض وانضموا للمنظمات الفلسطينية وحاربوا معها واستشهد منهم الكتير واعتقل بعضهم ومنهم الياباني “اكوزو اوكاماتو” (في الصوره)؟!.في الحرب العالمية الثانية تم خلق الآلاف من الطيارين الانتحاريين اليابانيين يدينون بالبوذيه يلي تؤمن بتناسخ الأرواح وارتقائها إلى مرتبة اسمى في أجساد جديدة بعد الموت في قضية مقدسة!. في الهجوم على القاعدة العسكريه الاميركية في ميناء “بيرل هاربر”، كان مئات الطيارين “الكاميكازي” يرمو حالهم بطائراتهم المحمله بالمتفجرات على السفن وحاملات الطائرات الامريكية ودمروهم وقتلو اكتر من 2300 عنصر اميركي؟.كلنا منعرف انه الارهابيين المسلمين صناعة اميركا والسعوديه، هيلاري كلينتون في كتابها “خيارات صعبه” اعترفت وقالت فيه “اتفقنا مع الإخوان المسلمين على تأسيس داعش” وشرحت فيه تفاصيل الاتفاق؟. منطقتنا ماعرفت هالنوع من المتطرفين المجانين إلا لما قررت اميركا خلق الطائفيه والتطرف الديني الإسلامي فيها وبكل العالم متل ماحكيت في منشورات سابقه وطبعاً بالتعاون والشراكه مع كل دول أوروبا بهدف خلق عدو جديد يتيح لهم التدخل العسكري في كل مكان بحجة محاربة الإرهاب!!.لاحدا منكم يصدق انو في ذئاب منفرده باوروبا عم تنفذ عمليات لوحدها؟. هاد حديث تافه وحكيت الدليل عن تشابه طريقة التنفيذ مع طرق الفلسطينيين في مقاومة الاحتلال الصهيوني؟.الإرهاب الديني الإسلامي لازال تحت سيطرة المخابرات الغربيه الأميركية وبإشراف مباشر من اقذر منظمه عرفتها البشرية وهي الإخوان المسلمين يلي عندهم أضخم مقرات في مدينة آخن في المانيا ومقر اضخم في سان فرانسيسكو بأميركا؟.مابعرف حقيقة شو هدف ماكرون من إثارة هيك موضوع اليوم ودعمه بعمليه ارهابية؟. يمكن بسبب الضائقه الاقتصادية في فرنسا عم يفكر بتجريد ست ملايين فرنسي من جنسياتهم وترحيلهم من فرنسا؟.أهم نقطه لازم احكي فيها انو مانمشي مع الغرب بنفس التيار ونطعن حالنا بسكاكين صنعها هو نفسه؟.الرفيق ابو مخطه العلماني ماصدق تصير هيك حادثه وانبحت عالفيسبوك فرد بحته: “هاتو العقيده ننتف لحى رجال الدين!. هاتو المعاول نهدم المساجد والكنائس فوق رؤوسهم، لاخلاص لنا الا بالعلمانية والكبه بلبنيه وفصل الرز عن الحليب، سنبقى نرضع جهلاً وتخلفاً حتى ننهي دور الدين في حياتنا ونلبس ميني جوب ونكرع ويسكي وعرق في المعابد بعد تحويلها لكباريهات وكازينويات!!.على مهلك حبيب ليطقلك عرق وتروح فيها؟!!
